sóms kumps te luuj tege in dien leve
woa-s te metein 'ne klik mèt höbs
de veuls wie zie dich energie geve
woadoor-s te daonao op wolke löps
sóms gebäört in dien leve e wónder
en dinks te: dat mich dit noe euverkump
de kumps emes tege, dae is zoa bizónder
dat 't dich haos d'n aojem benump
sóms höbs te emes nuèdig op e bepaold moment
óm dich get te lière of get te wieze
en ouch al kos dich dat geine cent
hièl dèk kriegs te gratis en ónbedoeld kosbaar advieze
sóms kumps te emes tege mèt 'ne handicap
en dinks te: wie zou ich dao mèt óm mótte goon
aan zoa emes is alles puur natuur, niks is nep
en de lièrs: ich hoof mich ouch neet andersj veur te doon
veur mich waor mien ièrsjte óntmoeting mèt Christine
'n openbaring: wat 'n hartelike, vrolike, charmante vrouw
wat 'n wilskrach, wat e positief verhaol, óndanks alle leid en pien
ich kós allein mer dinke: ich wol, dat ich dao get van haw!
